• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ກະຊວງປ້ອງກັນຄວາມສະຫງົບ ມອບເງີນຊ່ວຍເຫຼືອ ວຽກງານມະນຸດສະທຳ

February 12, 2018, ຂ່າວ

ເພື່ອ​ເປັນ​ການ​ປະ​ກອບ​ສ່ວນ​​ຊ່ວຍ​ເຫຼືອວຽກ​ງານ​ມະ​ນຸດ​ສະ​ທຳ ໃຫ້​ແກ່​ປະ​ຊາ​ຊົນ​ຜູ້​ປະ​ສົບ​ໄພ​​ຕ່າງໆ ແລະ ຜູ້​ດ້ອຍ​ໂອ​ກາດ, ທຸກ​ຍາກ​ຂາດ​ເຂີນ ແລະ ຢູ່​ຫ່າງ​ໄກ​ສອກ​ຫຼີກ,  ໃນ​ວັນ​ທີ 7/2/2018 ຢູ່​ທີ່ກະ​ຊວງ​ປ້ອງ​ກັນ​ຄວາມ​ສະ​ຫງົບ ໄດ້​ມອບ​ເງີນ​ ຈຳ​ນວນ 20.000.000 ກີບ ໃຫ້​ແກ່​ອົງ​ການ​ກາ​ແດງ​ລາວ ເພື່ອ​ສືບ​ແບ່ງ​ປັນ ເຂົ້າ​ໃນ​ວຽກ​ງານ​ມະ​ນຸດ​ສະ​ທຳ ໂດຍ​ສະ​ເພາະ​ແມ່ນ​ປະ​ຊາ​ຊົນ​ທີ່​ປະ​ສົບ​ໄພ​ໜາວ ໃນປັດ​ຈຸ​ບັນ, ຕາງ​ໜ້າມອບ​ເງີນ​ຊ່ວຍ​ເຫຼືອ ໃນ​ຄັ້ງ​ນີ້ ໂດຍ​ທ່ານ ພັນ​ເອກ ຄຳ​ກິ່ງ ຜຸຍ​ຫຼ້າ​ມະ​ນີ​ວົງ ຄະ​ນະ​ພັກ​ປະ​ຈຳ​​ກົມ​ໃຫ່​ຍການ​ເມືອງ, ຮອງ​ຫົວ​ໜ້າ​ກົມ​ໃຫ່​ຍ​ການ​ເມືອງ​ປ​້ອງ​ກັນ​ຄວາມ​ສະ​ຫງົບ ​ໃຫ້​ກຽດ​ຂຶ້ນ​ກ່າວ​ມອບ ແລະ ຕາງ​ໜ້າ​ກ່າວ​ຮັບ​ໂດຍ​ທ່ານ ຣ​ສ.ດ​ຮ. ສິງ ເມ​ໂນ​ລາດ ເລ​ຂາ​ຄະ​ນະ​ພັກ​ອົງ​ການ​ກາ​ແດງ​ລາວ, ຮອງ​ປະ​ທານ​ອົງ​ການ​ກາ​ແດງ​ລາວ  ພ້ອມ​ດ້ວ​ຍຕາງ​ໜ້າ​ຈາກ​ສາມ​ອົງ​ການ​ຈັດ​ຕັ້ງ ຂອງ​ທັງ​ສອງ​ພາກ​ສ່ວນ​ເຂົ້າ​ຮ່ວມ.

ໃນ​ໂອ​ກາດ​ດັ່ງ​ກ່າວ ທ່ານ ປອ. ສິງ ເມ​ໂນ​ລາດ ກໍ່ໄດ້​ມອບ​ໃບ​ຍ້ອງ​ຍໍ​ຂອງ​ອົງ​ການ​ກາ​ແດງ​ລາວ ໃຫ້​ແກ່​ກະ​ຊວງ​ປ້ອງ​ກັນ​ຄວາມ​ສະ​ຫງົບ ແລະ ໃນ​ຕອນ​ທ້າຍ ທ່ານ ຣ​ສ.ດ​ຣ. ສິງ ເມ​ໂນ​ລາດ ໄດ້ສະ​ແດງ​ຄວາມ​ຍ້ອງ​ຍໍຊົມເຊີຍ​ ແລະ ຂໍ​ຂອບໃຈ​ຢ່າງ​ສູງມາ​ຍັງ​ຂອບ​ໃຈ​ຕໍ່​ການ​ແບ່ງ​ປັນ​ນ້ຳ​ໃຈ​ຊ່ວຍ​ເຫຼືອ ຂອງ​ບັນ​ດາ​ອ້າຍ​ນ້ອງ​ຕຳ​ຫຼວດ ທີ່​ປະ​ກອບ​ສ່ວນ​ຊ່ວຍ​ເຫຼືອ​ດ້ານ​ມະ​ນຸດ​ສະ​ທ​ຳ ບໍ່​ວ່າ​ຈະ​ເປັນ​ການ​ປະ​ກອບ​ສ່ວນ​ບໍ​ລິ​ຈາກ​ເລືອດ ແລະ ວັດ​ຖຸ​ປັດ​ໃຈຕ່າງໆ ໃຫ້​ແກ່​ອົງ​ການ​ກາ​ແດງ​ລາວ ເພື່ອມອບ​ຕໍ່​ໃຫ້​ປະ​ຊາ​ຊົນ ທີ່​ປະ​ສົບ​ໄພ​ພິ​ບັດ ແລະ ດ້ອຍ​ໂອ​ກາດ ແລະ ຫວັງ​ຢ່າງ​ຍິ່ງວ່າ ຈະ​ຍັງ​ສືບ​ຕໍ່ໄດ້​ຮັບ​ປະ​ກອບ​ສ່ວນຊ່ວຍ​ເຫຼືອ ຈາກ​ອ້າຍ​ນ້ອງ​ຕຳ​ຫຼວດ ຈາກ​ກະ​ຊວງ​ປ້ອງ​ກັນ​ຄວາມ​ສະ​ຫງົບ ແລະ ພາກ​ສ່ວນ​ອື່ນໆ ໃນ​ສັງ​ຄົມ ເພື່ອ​ປະ​ກອບ​ສ່ວນ​ຊ່ວຍ​ເຫຼືອ ປະ​ຊາ​ຊົນ​ຜູ້​ທີ່​ດ້ອຍ​ໂອ​ກາດ ແລະ ປະ​ສົບ​ໄພ​ພິບ​ັດ​ຕ່າງໆ ໃຫ້​ໄດ້​ຮັບ​ໂອ​ກາດ​ໃນ​ການ​ສືບ​ຕໍ່​ດຳ​ລົງ​ຊີ​ວິດ.

DSC_0030DSC_0023