• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ປະທານອົງການກາແດງລາວເຂົ້າຮ່ວມກອງປະຊຸມຄະນະນຳອົງການກາແດງ ແລະ ຊີກວົງເດືອນແດງ-ອາຊີຕາເວັນອອກສ່ຽງໃຕ້

September 26, 2017, ຂ່າວ

ກ​ອງ​ປ​ະ​ຊຸມ​ຄະ​ນ​ະ​ນຳ​ອົງ​ການ​ກາ​ແດງ ແລະ ຊີ​ກວົ​ງ​ເດືອນ​ອາ​ຊີ​ຕາ​ເວັນ​ອອກ​ສ່ຽງ​ໃຕ້ ຄັ້ງ​ທີ່ 14 ໄດ້​ຈັດ​ຂຶ້ນ​ລະ​ຫວ່າງວັນ​ທີ່ 21-22 ກັນ​ຍ​າ 2017 ທີ່ ຮ່າ​ໂນ້ຍ ສ​ສ ຫວຽດ​ນາມ. ທ່ານ ຄຳ​ຮຸ່ງ ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ພ້ອມ​ດ້ວຍ​ຄະ​ນະ​ໄດ້​ເດີນ​ທາງ​ເຂົ້າ​ຮ່ວມ, ເຊິ່ງ​ລ​ວມ​ມີ​ບັນ​ດາ​ຄະ​ນະ​​ປະ​ທານ, ຮອງ​ປະ​ທານຈາກ 11 ປະ​ເທດ​ອາ​ຊີ​ຕາ​ເວ​ັນ​ອອກ​ສ່ຽງ​ໃຕ້​ເຂົ້າ​ຮ່ວມ ພາຍ​ໃຕ້​ການ​ເປັນ​ເຈົ້າ​ພາບ​ຂອງ​ສະ​ພາ​ກາ​ແດງ​ຫວຽດ​ນາມ, ເຊິ່ງ​ບັນ​ດາ​ອົງ​ການ​ກາ​ແດງ​ແຫ່ງ​ຊາດ​ຕ່າງ​ໆ​ໄດ້​ໝູນ​ວຽນ​ກັນ​ເປັນ​ເຈົ້າ​ພາບ​ຕາມ​ຕົວ​ອັກ​ສອນ​ອັງ​ກິດ.

ກອງ​ປະ​ຊຸມແມ່ນ​ເພື່ອ​ແນ່​ໃສ່​ທົບ​ທວນ​ຄືນ​ການ​ຜັນ​ຂະ​ຫ​ຍາຍ​ມະ​ຕິ​ກອງ​ປະ​ຊຸມ​ຄັ້ງ​ທີ່ 13, ​ການ​ຖອດ​ຖອນ​ບົດ​ຮຽນ, ​ປຶກ​ສາບັນ​ຫາ​ສະ​ພາບ​ການ​ຂອງ​ໂລກ​, ການ​ປ່​ຽນ​ແປງ​ດິນ​ຟ້າ​ອາ​ກາດອັນ​ເປັນ​ຜົນ​ກະ​ທົບ​ຕໍ່​ຄວາມ​ເປັນ​ຢູ່​ຂອງ​ປະ​ຊາ​ຊົນ​ໂດຍ​ສະ​ເພາະ​ບັນ​ຫາ​ໄພ​ພິ​ບັດ​ທາງ​ທຳ​ມະ​ຊາດ​ທີ່​ຄົນ ແລະ ທຳ​ມະ​ຊາດ​ສ້າງ​ຂຶ້​ນ, ການ​ເພີ່ມ​ທະ​ວີ​ການ​ຮ່ວມ​ມື​ລະ​ຫວ່າງ​ອົງ​ການ​ກາ​ແດງ​ປະ​ເທດ​ຕ່າງ​ໆ​ໃນ​ລະ​ດັບພາກ​ພື້ນ ແລະ ສາ​ກົນ ໂດຍ​ສະ​ເພາະ​ແມ່ນ​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນ​ນຳ​ກັນ ແລະ ບັນ​ຫາ​ອືຶ່ນໆ, ໃນ​ໂອ​ກາດ​ດັ່ງ​ກ່າວ ອົງ​ການ​ກາ​ແດງ​ລາວ, ອົງ​ການ​ກາ​ແດງ​ກຳ​ປູ​ເຈຍ ແລະ ສະ​ພາ​ກາ​ແດງ​ຫວຽດ​ນາມ ຍັງ​ໄດ້​ຕົກ​ລົງ​ເຫັນ​ດີ​ເຊັນ​ສັນ​ຍາ​ການ​ຮ່ວມ​ມື​ລະ​ຫວ່າງ​ສາມ​ຝ່າຍນັບ​ແຕ່​ປີ 2017-2022 ​ເພື່ອເພີ່ມ​ທະ​ວ​ີ​ການ​ຮ່ວມ​ມື​ຂອງ​ສາມ​ອົງ​ການ​ ອັນ​ມີ​ມູນ​ເຊື້ອ​ດີ​ງານ​ຂອງ​ການ​ຮ່ວມ​ມື​ທີ່​ມີ​ມາ​ຕໍ່​ດົນ​ນາ​ນ​ໃຫ້​ມີ​ຄວາມ​ແໜ້ນ​ແຟ້ນ​ຍິ່ງໆ​ຂຶ້ນ, ​ທັງ​ເປັນ​ບ່ອນ​ອີງ​ໃນ​ການ​ກຳ​ນົດ​ກອບການ​ຮ່ວມ​ມື​ໃນ​ການ​ຈັດ​​ຕັ້ງ​ປະ​ຕິ​ບັດ​ວຽກ​ງານ​ມະ​ນຸດ​ສະ​ທ​ຳ​ຮ່ວມ​ກັນ ພາຍ​ໃຕ້​ການ​ເປັນ​ສັກ​ຂີ​ພະ​ຍານ​ຕາງ​ໜ້າ​ອົງ​ການ​ຈັດ​ຕັ້ງ​ລັດຂອງ ສ​ສ ຫວຽດ​ນາມ, ກຳ​ປູ​ເຈຍ ແລະ ສ ປ​ປ ລາວ​ ປະ​ຈຳ ຮ່າ​ໂນ້ຍ ແລະ ບັນ​ດາ​ແຂກ​ທີ​ເຂົ້າ​ຮ່ວມກອງ​ປະ​ຊຸມ.

22047544_983720241771074_444676847_o22091773_983720311771067_1745979980_n