• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ປະທານອົງການກາແດງລາວ ຕ້ອນຮັບຄະນະຜູ້ແທນ ສູນເລືອດແຂວງຢູນານສປປຈີນ

September 5, 2018, ຂ່າວ

ໃນ​ວັນ​ທີ 1 ກັນຍາ 2018 ທ່ານ ​ຄຳ​ຮຸ່ງ ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ໄດ້​ຕ້ອນ​ຮັບ ​ທ່ານ ຟັງ ລິງ ຫົວໜ້າ ສູນເລືອດແຂວງຢູນານ ສປປຈີນ ພ້ອມ​ດ້ວຍ​ຄະ​ນະ ທີ່​ໄດ້​ເດີນ​ທາງ​ມາ​ເຮັດ​ວຽກ​ຢູ່ ສ ປ​ປ​ ລາວ ​ເພື່ອ​ເປັນການເສີມຂະຫຍາຍ​​ສາຍຮັດແໜ້ນສາຍ​ພົວ​ພັນ, ການ​ຮ່ວມ​ມືໃຫ້ມີຄວາມແໜ້ນແຟ້ນຍິ່ງໆຂຶ້ນ

ໃນໂອກາດດຽວກັນນີ້ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການເດີນທາງມາຢ້ຽມຢາມໃນຄັ້ງນີ້, ຕໍ່ຄະນະຜູ້ແທນ ສູນເລືອດແຂວງຢູນານ ສປປຈີນ  ເຊິ່ງເປັນ ຂີດໝາຍອັນສຳຄັນໃນການພັດທະນາວຽກງານເລືອດ ແລະ ນອກຈາກນັ້ນ ທ່ານຍັງໄດ້ທັງແຈ້ງກ່ຽວກັບພາລະບົດບາດ ແລະ ການເຄື່ອນໄຫວ ວຽກງານບໍລິຈາກເລືອດ ໃຫ້ຊາບ, ໃນການຊ່ວຍເຫຼືອປະຊາຊົນທີ່ເຈັບເປັນແລະນອນປິ່ນປົວໃຊ້ເລືອດຕາມໂຮງໝໍຕ່າງໆ ໃນບັນດາແຂວງຕ່າງໆ , ທົ່ວປະເທດ

ທ່ານ  ທ່ານ ຟັງ ລິງ ຫົວໜ້າ ສູນເລືອດແຂວງຢູນານ ສປປຈີນ ພ້ອມ​ດ້ວຍ​ຄະ​ນະ ໄດ້ສະແດງຄວາມດີອົກ ດີໃຈ ທີໃຫ້ການຕ້ອນຮັບຢ່າງອົບອຸ່ນ ຕໍ່ການມາຢ້ຽມໃນຄັ້ງນີ້ ແລະ ທ່ານກໍໄດ້ແຈ້ງໃຫ້ຊາບຈຸດປະສົງມາຢ້ຽມຢາມໃນຄັ້ງນີ້ ເພາະ ເປັນຂີດໝາຍສຳຄັນໃນການພົວພັນເສີມສ້າງສາຍພົວພັນໃນວຽກງານບໍລິຈາກເລືອດ ແລະໃນອະນາຄົດຈະມີການ ແລກປ່ຽນຖອດຖອນບົດຮຽນເຊິ່ງກັນ ແລະ ກັນ  ແລະ ການຊ່ວຍເຫຼືອທາງດ້ານເຕັກນິກໃນວຽກງານເລືອດໃຫ້ມີຄວາມເຂັ້ມແຂງ.