• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ປະທານອົງການກາແດງລາວ ເຄື່ອນໄຫວເຮັດວຽກຢູ່ແຂວງຊຽງຂວາງ

May 23, 2018, ຂ່າວ

ໃນ​ວັນ​ທີ 21 ພຶດ​ສະ​ພາ 2018 ອົງ​ການ​ກາ​ແດງ​ລາວ​ ໄດ້​ສົມກັບອົງການກາແດງແຂວງຊຽງຂວາງນຳ​ເຄື່ອງ​ໄປມອບໃຫ້​ພໍ່​ແມ່​ປະ​ຊາ​ຊົນ ບ້ານ​ສັນ​ແຟນ ເມ​ືອງ​ຄຳ​ແຂວງ​ຊຽງ​ຂວາງ ທີ່​ຖືກ​ອັກ​ຄີ​ໄພ​ໄໝ້​ເຮືອນ ຈຳ​ນວນ 32 ຫຼັງຄາເຮືອນ ໃນ​ຄັ້ງ​ວັນ​ທີ 7 ພຶດ​ສະ 2018 ທີ່​ຜ່ານ​ມາ.ພິ​ທີ​ມອບ​ຮັບ​ໄດ້​ຈັດ​ຂຶ້ນ​ທີໂຮງຮຽນປະຖົມສົມບູນບ້ານ​ສັນ​ແຟນ ເມືອງ​ຄຳ ແຂວງ​ຊຽງ​ຂວາງ ເປັນ​ກຽດ​ມອບ​ໂດຍ ທ່ານ ຄຳ​ຮຸ່ງ​ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ແລະ ຮັບ​ໂດຍຄອບຄົວ ພໍ່​ແມ່​ປະ​ຊາ​ຊົນ​ທີ່​ໄດ້​ຮັບ​ຜົນ​ກະ​ທົບ ແລະ  ໃຫ້​ກຽດ​ເຂົ້າ​ຮ່ວມ​ເປັນ​ສັກ​ຂີ​ພິ​ຍານຂອງ​ທ່ານ…..ຄະນະປະຈຳພັກແຂວງ ຮອງເຈົ້າແຂວງຊຽງຂວາງ,ການນຳເມືອງ,ອໍ​ານາດ​ການ​ປົກ​ຄອງ​ບ້ານ,  ຕະຫຼອດ​ຮອດ​ພໍ່​ແມ່​ປະ​ຊາ​ຊົນພາຍໃນບ້ານເຂົ້າຮ່ວມ. ເຄື່ອງ​ທີ່​ນຳ​ມາ​ມອບ​ໃນ​ຄັ້ງ​ນີ້​ປະ​ກອບ​ມີ ເຫຼັກຕະປູ  ຢາສຳລັບປົວພະຍາດ, ນ້ຳດື່ມ,ອາຫານແຫ້ງ,  ແລະ ອື່ນໆ ລວມ​ມູນ​ຄ່າ​ທັງ​ໝົດ 30,000,000 ກີບ ເຄື່ອງ​ຈຳ​ນວນ​ດັ່ງ​ກ່າວ​ແມ່ນ​​ໄດ້​ຈາກ​ການ​ລະ​ດົມຈາກນັກ​ທຸ​ລະ​ກິດ​ຊາວ​ຄ້າ​ຂາຍ ແລະ ສັງ​ຄົມ​ພາຍ​ໃນ​ນະ​ຄອນຫຼວງວຽງ​ຈັນ​.ພ້ອມ​ດຽວ​ກັນ​ນັ້ນ, ທ່ານ​ຄຳ​ຮຸ່ງ ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ພ້ອມ​ດ້ວຍ​ຄະ​ນະ​ຍັງ​ໄດ້​ຖື​ໂອ​ກາດ​ເຂົ້າ​ພົບ​ການ​ນຳ​ແຂວງ ເພື່ອປຶກສາຫາລືຂົງເຂດວຽກງານໂດຍສະເພາະ ວຽກງານ ເລືອດ,ການຊ່ວຍເຫຼືອບັນເທົາທຸກ,ສຸຂະພາບຊຸມຊົນແລະ ອື່ນໆ ແລະ ໄດ້ເຂົ້າພົບປະໂອ້ລົມພະນັກງານຫຼັກແຫຼ່ງກາແດງແຂວງແລະ ໃນວັນທີ 23 ພຶດສະພາ 2018 ໄດ້ຈັດພິທີປະຖະກະຖາຂຶ້ນທີ່ຫ້ອງປະຊຸມໃຫຍ່ຫ້ອງວ່າການ ປົກຄອງແຂວງ ໂດຍເປັນກຽດເຂົ້າຮ່ວມຂອງທ່ານ ບຸນຕົ້ນ ຈັນທະພອນ ຮັກສາການເລຂາພັກແຂວງ ເຈົ້າແຂວງ,ປະທານສະພາປະຊາຊົນແຂວງຊຽງຂວາງ, ທ່ານຮອງເຈົ້າແຂວງ ,ພະນັກງານການນຳ ຕະຫຼອດຮອດພະນັກງານທະຫານຕຳຫຼວດ ອ້ອມຂ້າງແຂວງເຂົ້າຮ່ວມ 210 ທ່ານ ໃນພິທີທ່ານຄຳຮຸ່ງເຮືອງວົງສີ ປະທານອົງການກາແດງລາວໄດ້ກ່າວປະຫວັດຄວາມເປັນມາຂອງວຽກງານກາແດງໂດຍຫຍໍ້,ວຽກ​ງານ​ກາ​ແດງ​ແມ່ນ​ວຽກ​ງານ​ທາງ​ສັງ​ຄົມ,ສັງ​ຄົມ​ຕ້ອງ​ມີ​ສ່ວນ​ຮ່ວມ​ນຳ​ກາ​ແດງ.