• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ປະທານ ກາແດງຫວຽດນາມຢ້ຽມຢາມ ປະຊາຊົນ ຜູ້ປະສົບ ໄພນ້ໍາຖ້ວມເມືອງສະໜາມໄຊ

August 2, 2018, ຂ່າວ

ດ້ວຍຄວາມເປັນຫ່ວງເປັນໄຍ ພາຍຫຼັງທີ່ໄດ້ຮັບຂ່າວ ເກ​ີດໄພພິບັດນໍ້າຖ້ວມແຂວງອັດຕະປືທີ່ຮ້າຍແຮງ ຢູ່ ສປປ ລາວ, ດັ່ງ​ນັ້ນ ໃນວັນທີ່ 31 ກໍ​ລະ​ກົດ 2018   ທ່ານ ນາງ ຫງຽນ ​ທິ ​ຊວນ ທູ ປະທານສະພາກາແດງ  ສສ ຫວຽດນາມ  ພ້ອມດ້ວຍຄະນະ ,  ທີ່ໄດ້ເດີນທາງມາເຄື່ອນໄຫວເຮັດວຽກ  ແລະ  ຢ້ຽມຢາມຖາມຂ່າວຄາວປະຊາຊົນ ​ຄວາມທຸກໂສກ, ​ຊີວິດການເປັນ​ຢູ່, ສະພາບຄວາມເປັນຈິງ  ແລະ ໃຫ້ກຳລັງໃຈແກ່ຜູ້ປະສົບໄພ, ຍາມໃດ ພັກ – ລັດຖະບານ ປະຊາຊົນລາວ  ແລະ  ພັກ – ລັດຖະບານປະຊາຊົນ ສສຫວຽດນາມ ກໍ່ເປັນຫ່ວງເປັນໄຍຕໍ່ຊິວິດການເປັນຢູ່ ປະຊາຊົນຜູ້ປະສົບໄພນໍ້າຖ້ວມ,  ທີ່ເມືອງສະໜາມໄຊ  ເວົ້າລວມ ເວົ້າສະເພາະ ການນຳຂັ້ນສູງ ສະພາກາແດງ ສສ ຫວຽດນາມ  ແລະ  ອົງການກາແດງລາວ ເພື່ອແບ່ງເບົາຄວາມທຸກໂສກ ປະຊາຊົນ ທີ່ສູນ ມສ ໂຮງຮຽນ ເມືອງສະໜາມໄຊ ແຂວງອັດຕະປື, ທີິ່​ຖືກໄພພິບັດນໍ້າຖ້ວມຄັ້ງວັນທີ  23 ​ກໍ​ລະ​ກົດ 2018  , ຍ້ອນພະຍຸເຮັດໃຫ້ຝົນຕົກໜັກຕິດຕໍ່ກັນຫຼາຍວັນ  ຈົນເຮັດໃຫ້ສັນເຂື່ອນເຊປຽນເຊນ້ຳນ້ອຍລົ້ນ  ແລະ ແຕກ ໄຫຼລົງຖ້ວມບ້ານເຮືອນ, ຖະໜົນຫົນທາງ, ພື້ນຖານໂຄງລ່າງ, ໂຮງຮຽນ,ໂຮງໝໍ, ພື້ນທີ່ທຳການຜະລິດ ຈົມຢູ່ພື້ນນໍ້າ ແລະມີ ປະຊາຊົນໃນ 13 ບ້ານ:ເຊັ່ນ ບ້ານໃໝ່ , ບ້ານຫີນລາດ, ບ້ານສະໜອງໄຕ້, ບ້ານທ່າແສງຈັນ, ບ້ານຕະໜໍຍອດ, ບ້ານທ່າຫີນໃຕ້, ບ້ານທ່າບົກ,ບ້ານມ່ວງ ແລະ ບ້ານອື່ນໆ ທີ່ໄດ້ສົ່ງຜົນກະທົບຕໍ່ປະຊາຊົນ ແລະ ມີ​ຜູ້ສູນຫາຍ 131 ຄົນ, 587 ຄອບຄົວ,ຂາດທີ່ພັກພາອາໃສ 3060 ຄົນ,  ຍ້ອນ ພະຍຸ ເຊີນຕິນ ເຊິ່ງຮ່ວມຕິດຕາມຄະນະໃນຄັ້ງນີ້ ໂດຍແມ່ນ ທ່ານ ທອງພະຈັນ ສອນນະສິນ ຮອງປະທານ ອົງການກາແດງລາວ ພ້ອມດ້ວຍຄະນະ .ໃນໂອກາດ ທີ່ທ່ານເດີນທາງມາຢ້ຽມຢາມໃນຄັ້ງນີ້  ທ່ານຍັງໄດ້ນໍາເອົາເຄື່ອງ ແລະ ສິ່ງຂອງຈໍານວນໜຶ່ງມາຊ່ວຍເຫຼືອ ແລະ ມອບໃຫ້ປະຊາຊົນ ເຊິ່ງໄດ້ແກ່:  ເຄື່ອງໃຊ້ໃນເຮືອນ , ເຄື່ອງກອງນ້ໍາຂະໜາດໃຫຍ່ ແລະ ນ້ອຍ, ມຸ້ງ,ເຊື່ອ ແລະ ອື່ນໆ. ເປັນມູນຄ່າ 236 , 314 , 900 ດົງ ສະກຸນເງິນຫວຽດນາມ, ການຊ່ວຍເຫຼືອຍັງບໍ່ພຽງພໍແຕ່ເທົ່ານີ້ ທາງສະພາກາແດງຫວຽດນາມຍັງຈະສືບຕໍ່ໃຫ້ການຊ່ວຍເຫຼືອ ເຊີ່ງຈະທະຍອຍສົ່ງມາຫຼັງ.