• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ພິທີປະດັບຫຼຽນກາມິດຕະພາບ ແລະ ໃບຍ້ອງຍໍໃຫ້ກາແດງເຢຍລະມັນ

April 2, 2018, ຂ່າວ

ຕອນ​ບ່​າຍ​ຂອງວັນ​ທີ 30 ມີ​ນາ 2018 ອົງ​ການ​ກາ​ແດງ​ລາວ​ໄດ້​ປະ​ດັບຫຼຽນ​ກາ​ມິດ​ຕະ​ພາບ ແລະ ໃບ​ຍ້ອງ​ຍໍ​ໃຫ້​ແກ່​ສະ​ພາ​ກາ​ແດງ​ເຢຍ​ລະ​ມັນ.ໃນ​ພິ​ທີ ທ່ານ​ ຄຳຮຸ່ງ ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ໄດ້​ຕາງ​ໜ້າ​ໃຫ້​ລັດ​ຖະ​ບານ ສ​ປ​ປ ລາວ ເປັນ​ກຽດ​ປະ​ດັບຫຼຽນ​ກາ​ມິດ​ຕະ​ພາບ​ໃຫ້​ແກ່​ສະ​ພາ​ກາ​ແດງ​ເຢຍ​ລະ​ມັນ, ຕາງ​ໜ້າ​ຮັບ​ໂດຍ​ທ່ານ Ms Gerda Hasselfeldt ປະ​ທານ​ສະ​ພາ​ກາ​ແດງ​ເຢຍ​ລະ​ມັນ ພິ​ທີ​ດັ່ງ​ກ່າວ​ໄດ້​ຈັດ​ຂຶ້ນ​ທີ່​ຫ້ອງ​ຮັບ​ແຂກ ອົງ​ການ​ກາ​ແດງ​ລາວ.ກາ​ແດງ​ເຢຍ​ລະ​ມັນ​ໄດ້​ປະ​ກອບ​ສ່ວນ​ຊ່ວຍ​ເຫຼືອ​ປະ​ຊາ​ຊົນ​ລາວ​ຜູ້​ທຸກ​ຍາກ​ຕະຫຼອດ​ໄລ​ຍະ 10 ປີ2007-2017 ເຊິ່ງ​ປະ​ກອບ​ມີ​ໂຄງ​ການ​ວຽກ​ງານ​ບໍ​ລິ​ຈາກ​ເລືອດ​ຂອງ​ອົງ​ການ​ກາ​ແດງ​ລາວ ເຊິ່ງ​ເປັນ​ມູນ​ຄ່າ 1,892,078 ເອີ​ໂຣ ໃນ​ນັ້ນ, ໄດ້​ປະ​ຕິ​ບັດ​ຢູ່ 09 ແຂວງ ແລະ 14 ເມືອງ​ໃນ​ທົ່ວ​ປະ​ເທດ.ໄລ​ຍະ​ທີ 1 ນັບ​ແຕ່​ປີ 2007-2011 ກາ​ແດງ​ເຢຍ​ລະ​ມັນ​ໄດ້​ໃຫ້​ການ​ຊ່ວຍ​ເຫຼືອ​ດ້ານ​ຕ່າງໆ​ເຊັ່ນ: ວິ​ທີ​ການ​ຈັດ​ຕັ້ງ​ປະ​ຕິ​ບັດ​ຕົວ​ຈິງ, ລະ​ບົບ​ການ​ເຄື່ອນ​ໄຫວ, ການ​ສະ​ໜອງ​ອຸ​ປະ​ກອນ​ການ​ແພດ​ເປັນ​ຕົ້ນ​ແມ່ນ: ຕູ້​ເຢັນ​ສຳ​ລັບ​ເກັບ​ຮັກ​ສາ​ເລ​ືອດ, ເຄື່ອງ​ມື​ຮັບ​ໃຊ້​ທາງ​ການ​ແພດ, ລົດ​ຕູ້​ຮັບ​ໃຊ້​ເຄື່ອນ​ໄຫວ​ວຽກ​ງານ​ບໍ​ລິ​ຈາກ​ເລືອດ, ອາ​ຄານ​ສູນ​ເລືອດ​ໃຫ້ 3 ແຂວງຄື: ແຂວງ​ສາ​ລະ​ວັນ, ຄຳ​ມ່ວນ ແລະ ແຂວງ​ໄຊ​ຍະ​ບູ​ລີ ລວມ​ມູນ​ຄ່າ​ການ​ຊ່ວຍ​ເຫຼືອ​ໄລ​ຍະ​ທີ 1 ຈຳ​ນວນ 311,318 ເອ​ີໂຣ; ໄລ​ຍະ​ທີ 2 ນັບ​ແຕ່​ປີ 2012-2014 ໄລ​ຍະ​ນີ້​ກາ​ແດງ​ເຢຍ​ລະ​ມັນ ໄດ້​ຕັ້ງ​ຫ້ອງ​ການ​ປະ​ຈຳ​ຢູ່​ລາວ​ຂຶ້ນ ເພື່ອ​ໃຫ້​ການ​ຊ່ວຍ​ເຫຼືອ​ດ້ານ​ຕ່າງໆ ຢ່າງ​ໃກ້​ຊິດ​ຕິດ​ແທດ, ລົງ​ເລິກ​ການ​ຊ່ວຍ​ເຫຼືອ​ດ້ານ​ອຸ​ປະ​ກອນ​ການ​ແພດ​ທີ່​ທັນ​ສະ​ໄໝ ແລະ ວິ​ທີ​ການ​ນຳ​ໃຊ້​ຢ່າງ​ມີ​ປະ​ສິດ​ທິ​ຜົນ ພ້ອມ​ກັນ​ນັ້ນ​ກໍ​ໄດ້​ສ້າງ​ອາ​ຄານ​ສູນ​ເລືອດ​ໃຫ້ 3 ແຂວງ​ຄື: ແຂວງ​ບໍ​ລິ​ຄຳ​ໄຊ, ບໍ່​ແກ້ວ ແລະ ແຂວງຫຼວງ​ນ້ຳ​ທາ ລວມ​ມູນ​ຄ່າ​ການ​ຊ່ວຍ​ເຫຼືອ​ໃນ​ໄລ​ຍະ​ທີ 2 ຈຳ​ນວນ 590,000 ເອີ​ໂຣ; ໄລ​ຍະ​ທີ 3 ນັບ​ແຕ່​ປີ 2015-2017 ໄລ​ຍະ​ດັ່ງ​ກ່າວ​ກາ​ແດງ​ເຢຍ​ລະ​ມັນ ໄດ​້​ສືບ​ຕໍ່​ຊ່ວຍ​ເຫຼືອ​ບັນ​ດາ​ເມືອງ​ເປົ້າ​ໝາຍ​ເກົ່າ ແລະ ໃໝ່​ທາງ​ດ້ານ​ອຸ​ປະ​ກອນ​ການ​ແພດ ແລະ ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ພະ​ນັກ​ງານ​ວິ​ຊາ​ການ ທີ່​ຮັບ​ຜິດ​ຊອບ​ວຽກ​ງານ​ເລືອດ ແລະ ສ້າງ​ອາ​ຄານ​ສູນ​ເລືອດ​ໃຫ້ 2 ແຂວງ​ຄື ແຂວງ​ຫົວ​ພັນ ແລະ ແຂວງ​ອຸ​ດົມ​ໄຊ ລວມ​ມູນ​ຄ່າ​ໄລ​ຍະ​ທີ 3 ຈຳ​ນວນ 990,760 ເອີ​ໂຣ.ນອກນັ້ນ​ຍັງ​ໄດ້​ສ້າງ​ບຸກ​ຄະ​ລາ​ກອນ ນັບ​ແຕ່​ປີ 2007-2017 ກາ​ແດງ​ເຢຍ​ລະ​ມັນ​ໄດ້​ເອົາ​ໃຈ​ໃສ່​ສ້າງ​ຄວາມ​ເຂັ້ມ​ແຂງ​ທາງ​ດ້ານ​ວິ​ຊາ​ການ​ໃນ​ການ​ໃຫ້​ແກ່​ບຸກ​ຄະ​ລາ​ກອນ​ຢູ່​ບັນ​ດາ​ແຂວງ​ໃນ​ບັນ​ດາ​ເມືອງ​ເປົ້າ​ໝາຍ ແນ​ໃສ່​ເຮັດ​ໃຫ້​ພະ​ນັກ​ງານ​ວິ​ຊາ​ການ​​ມີ​ຄວາມ​ຮູ້, ຄວາມ​ສາ​ມາດ​ໃນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ເລືອດ​ຢູ່​ພາກ​ສ່ວນ​ຕ່າງໆ ແລະ ດ້ານ​ພື້ນ​ຖານ​ໂຄງ​ລ່າງ: ອາ​ຄານ​ສູນ​ເລືອດ​ຂອງ​ແຂວງ 8 ແຂວງ, ສະ​ໜອງ​ລົດ​ຕູ້​ເພື່ອ​ເຄື່ອນ​ໄຫວ​ໃນ​ການ​ອອກ​ຮັບ​ບໍ​ລິ​ຈາກ​ ແລະ ຂົນ​ສົ່ງ​ເລືອດ ພ້ອມ​ດ້ວຍ​ອຸ​ປະ​ກອນ​ການ​ແພດ​ອື່ນໆ ທີ່​ຈຳ​ເປັນ​ເພື່ອ​ນຳ​ໃຊ້​ເຂົ້າ​ໃນ​ວຽກ​ງານ​ການ​ບໍ​ລິ​ການ ແລະ ສະ​ໜອງ​ເລືອດ​ທີ່​ປອດ​ໄພ ເພື່ອ​ເຄື່ອນ​ໄຫວ​ປຸກ​ລະ​ດົມ​ໂຄ​ສະ​ນາ​ການ​ບໍ​ລິ​ຈາກ​ເລືອດ.