• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ພິທີມອບຫຼຽນໄຊພັດທະນາຊັ້ນ II

April 19, 2017, ຂ່າວ

ໃນວັນ​ທີ 19 ເມ​ສາ 2017 ອົງ​ການ​ກາ​ແດງ​ລາວ ໄດ້​ຈັດ​ພິ​ທີ​ປະ​ດັບ​ຫຼຽນ​ໄຊ​ພັດ​ທະ​ນາ​ຊັ້ນ II ໃຫ້​ແກ່ ອົງ​ການ​ກາ​ແດງ ປະ​ເທດ​​ເດັນ​ມາກ ( Danish Red Cross ) ຂຶ້ນ​ທີ່​ອົງ​ການ​ກາ​ແດງ​ລາວ, ຕາງ​ໜ້າ​ໃຫ້​ລັດ​ຖະ​ບານ​ລາວໃນ​ການ​ປະ​ດັບ​ຫຼຽນ​ໄຊ​ພັດ​ທະ​ນາ ຊັ້ນ II ແລະ ໃບ​ຍ້ອງ​ຍໍໃນ​ຄັ້ງ​ນີ້ ໂດຍ​ທ່ານ ຄຳ​ຮຸ່ງ ເຮືອງວົງ​ສີ ປະ​ທານ​ອົງ​ການ​ກາ​ແດງ​ລາວ ຕາງ​ໜ້າຮັບ​ໂດຍທ່ານ Ms Hanna Line JAKOBSEN ປະ​ທານ​ອົງ​ການ​ກາແດງ​​ເດັນມາກ ທີ່​ມີ​ຜົນ​ງານ, ມີ​ຄຸນ​ງາມ​ຄວາມ​ດີ ປະ​ກອບ​ສ່ວນ​ຊ່ວຍ​ເຫຼືອ​ລ້າ​ທາງ​ດ້ານ​ວັດ​ຖຸ, ທຶນ​ຮອນ​ເຂົ້າ​ໃນ​ການ​ພັດ​ທະ​ນາ​ວຽກ​ງານ​ການ​ລຶບ​ລ້າງ​ຄວາມ​ທຸກ​ຍາກ, ສົ່ງ​ເສີມ​ບົດ​ບາດ​ຍິງ-ຊາຍ, ຫຼຸດ​ຜ່ອນ​ການ​ຕາຍ​ຂອງເດັກ, ສົ່ງ​ເສີມ​ວຽກ​ງານ​ສຸ​ຂະ​ອະ​ນາ​ໄມໃຫ້​ແກ່​ຊຸມ​ຊົນ​ເຂດ​ຫ່າງ​ໄກ​ສອກ​ຫຼີກ ຢູ່​ແຂວງ​ຫຼວງ​ນ້ຳ​ທາ  ໃນ​ໄລ​ຍະ​ຜ່ານ ນັບ​ແຕ່ 1998-2016, ​ອົງ​ການກາ​ແດງ​​ເ​ດັນມາກ ໄດ້​ຮ່ວມ​ມື​ກັບ​ອົງ​ການ​ກາ​ແດງ​ລາວ ປະ​ຕິ​ບັດ​ໂຄງ​ການ​ຢູ່ 6 ແຂວງພາກ​ເໜືອ ຄື: ຊຽງຂວາງ,ຫົວພັນ,ຜົ້ງສາລີ, ຫຼວງນ້ຳທາ, ບໍ່​ແກ້ວ ແລ​ະ ແຂວງວຽງ​ຈັນ ໃນ​ນັ້ນ ລວມ​ມີ 15 ເມືອງ, 173 ບ້ານ ຊຶ່ງ​ປະ​ຊາ​ຊົນ​ໄດ້​ຮັບ​ຜົນ​ປະ​ໂຫຍດທັງ​ໝົດ ຈຳ​ນວນ 47,767 ຄົນ, ຍິງ 17,428 ຄົນ, ລວມ​ມູນ​ຄ່າ​ງົບ​ປະ​ມານ​ທັງ​ໝົດທີ່​ໃຊ້​ຈ່າຍ​ເຂົ້າ​ໃນ​ການ​ຈັດ​ຕັ້ງ​ປະ​ຕິບັດ​ໂຄງ​ການ ທັງ​ໝົດ 11,845,811 ໂດ​ລາ​ສະ​ຫະ​ລັດ.

ພາຍ​ຫຼັງ​ໂຄງ​ການ​ໄດ້​ຮັບ​ການ​ຈັດ​ຕັ້ງ​ປະ​ຕິ​ບັດ​ແລ້ວ ປະ​ຊາ​ຊົນ​ເຂດ​ເປົ້າ​ໝາຍ ໄດ້​ມີ​ຊີ​ວິດ​ການ​ເປັນ​ຢູ່​ທີ່​ດີ​ຂຶ້ນ, ສະ​ພາບ​ດ້ານ​ສຸ​ຂະ​ພາບ​ຊຸມ​ຊົນ​ໄດ້​ມີ​ການ​ປ່ຽນ​ແປງ​ດີ​ຂື້ນ​ເປັນ​ຕົ້ນ ການ​ເຈັບ​ເປັນ​ດ້ວຍ​ພະ​ຍາດ​ທີ່​ມັກ​ເກີດກໍ່ຫຼຸດ​ລົງຫຼາຍ,ສະ​ພາບ​ສຸ​ຂະ​ອາ​ນາ​ໄມ ແລະ ສະ​ພາບ​ແວດ​ລ້ອມ​ໄດ້​ຮັບ​ການ​ປັບ​ປຸງ, ສຸ​ຂະ​ພາບ​ແມ່ ແລະ ເດັກ ໄດ້​ຮັບ​ການ​ປັບ​ປຸງ​ດີ​ຂື້ນ​ເທື່ອ​ລະ​ກ້າວ, ຫຼຸດ​ຜ່ອນ​ແຮງ​ງານ​ຊາວ​ບ້ານ​ໃນ​ການ​ໄປ​ຫາບ​ເອົາ​ນ້ຳ​ໄກ ໂດຍ​ສະ​ເພາະ​ແມ່​ຍິງ ແລະ ເດັກ​ນ້ອຍ.

ໄດ​້ປະ​ກອບ​ສ່ວນ​ເຂົ້າ​ໃນ​ການຫຼຸດ​ຜ່ອນ​ຄວາມ​ທຸກ​ຍາກ​ຂອງ​ປະ​ຊາ​ຊົນບັນ​ດາ​ເຜົ່າ​ຜູ້​ດ້ອຍ​ໂອ​ກາດ, ເຂດ​ຫ່າງ​ໄກ​ສອກຫຼີກ,ທຸ​ລະ​ກັນ​ດານ​ເທື່ອ​ລະ​ກ້າວ, ນອກ​ນັ້ນ​ຍັງ​ໄດ້ສີມ​ສ້າງ​ຂີດ​ຄວາມ​ສາ​ມາດ​ຂອງ​ພະ​ນັກ​ງານ​ກາ​ແດງ,ຄູ່​ຮ່ວມ​ງານ​ທຸກ​ລະ​ດັບ​ນັບ​ແຕ່​ສູນ​ກາງ​ຮອດ​ທ້ອງ​ຖີ່ນ ແລະ ອາ​ສາ​ສະ​ໝັກ​ບ້ານ,ຊຸມ​ຊົນ​ໄດ​້​ຮັບ​ການ​ພັດ​ທະ​ນາ​ສູງ​ຂື້ນ.

18049842_892983090844790_1960820581_oDSC_2915