• English
  • ພາສາລາວ

Emergency Ambulance: 020 59966111 020 2200 5563

Emergency Ambulance: 020 59966111 020 2200 5563
laoredcross-logo-circle

ອົງການກາແດງລາວ

Lao Red Cross

ອົງການກາແດງລາວ ສືບຕໍ່ປັບປຸງຮ່າງກົດໝາຍ

December 7, 2017, ຂ່າວ

ພາຍຫຼັງທີ່ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ 8 ໄດ້ພິຈາລະນາຮັບຮອງ ແລະ ໃຫ້ຄຳຄິດເຫັນຕໍ່ຮ່າງກົດໝາຍວ່າດ້ວຍວຽກງານກາແດງລາວ ໃນວັນທີ 31 ຕຸລາ 2017 ທີ່ຜ່ານມາ.
ສືບຕໍ່ເນື້ອໃນຈິດໃຈຂອງກອງປະຊຸມ ຕໍ່ການປະກອບຄຳເຫັນ ຂອງສະມາຊິກສະພາແຫ່ງຊາດ ໃນການປັບປຸງເນື້ອໃນຮ່າງກົດໝາຍວ່າດ້ວຍອົງການກາແດງລາວ ໃນວັນທີ 23 – 24 ພະຈິກ 2017 ທີ່ເມືອງວັງວຽງ, ແຂວງວຽງຈັນ, ອົງການກາແດງລາວ ໂດຍສົມທົບກັບກຳມາທິການທີ່ກ່ຽວຂ້ອງຈາກສະພາແຫ່ງຊາດ ໄດ້ເປີດກອງປະຊຸມປຶກສາຫາລື ແລະ ປັບປຸງຮ່າງກົດໝາຍສະບັບດັ່ງກ່າວ ໂດຍການເປັນປະທານຂອງທ່ານ ສາຍທອງ ແກ້ວດວງດີ ປະທານກຳມາທີການກົດໝາຍສະພາແຫ່ງຊາດ, ທ່ານຄຳຮຸ່ງ ເຮືອງວົງສີ ປະທານອົງການກາແດງລາວ, ທ່ານ ສົມພູ ດວງສະຫວັນ ປະທານກຳມາທິການວັດທະນາທຳ – ສັງຄົມ ແລະ ໃຫ້ກຽດເຂົ້າຮ່ວມໂດຍທ່ານ ສຈ ດາວວອນ ຫວ່າງວິຈິດ ອາດີດ ປະທານກຳມາທິການກົດໝາຍ, ທ່ານ ສຈ ເກດ ກຽດຕິສັກ ອາດີດຮອງລັດຖະມົນຕີກະຊວງຍຸຕິທຳ ພ້ອມດ້ວຍພະນັກງານ – ວິຊາການຈາກສະພາແຫ່ງຊາດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ ທັງໝົດ 40 ທ່ານ ຍິງ 13 ທ່ານ.
ກອງປະຊຸມໄດ້ສຸມໃສ່ປັບປຸງ ແລະ ຮຽບຮຽງຄືນຮ່າງກົດໝາຍ ວ່າດ້ວຍກາແດງລາວ ເພື່ອເຮັດໃຫ້ເນື້ອໃນມີຄວາມໝາຍຄົບຖ້ວນ ແລະ ສົມບູນ ຕາມເນື້ອໃນຈິດໃຈ ແລະ ຄຳຄິດເຫັນຂອງສະມາຊິກສະພາແຫ່ງຊາດ. ເພື່ອສະເໜີຄະນະປະຈຳສະພາແຫ່ງຊາດ ພິຈາລະ, ຮັບຮອງ ແລະ ປະທານປະເທດອອກລັດຖະດຳລັດປະກາດໃຊ້ໃນອະນາຄົດ

23795042_1029519787190171_8704804090701534468_n23845959_1029520297190120_8851944036752762759_o